Rede Cultural da Deputación da Coruña 2020

Dende o 10 de marzo ó 26 de marzo está aberto o prazo para contratar á Banda de Música Cultural de Teo a través da Rede Cultural da Deputación Provincial da Coruña.

A Rede Cultural da Deputación da Coruña está dirixida aos artistas que queran ser contratados e a concellos que queran contratar espectáculos.

O obxecto da Rede Cultural é contribuír á difusión e á promoción da música, do folclore, do teatro, da danza, do cine e das demais manifestacións artísticas na provincia, por medio do coñecemento das actividades que se están a producir neste ámbito e do seu achegamento aos concellos.

Entre os programas de difusión cultural que se convocan está ALICERCE,  programación de música, danza e teatro para grupos non profesionais, que é no que participa a Banda Cultural de Teo.

O prazo para poder facer a contratación é:

Os concellos e asociacións poderán solicitar actuacións dende o 10 de marzo ata o 26 de marzo de 2020, as 14:00 h

Máis información en https://www.dacoruna.gal/cultura/rede-cultural/

O código para contratar o espectáculo é: BM/15